Poém pou Ayiti!

img_2831

Yon Jou lap jou
Ki pap sanble ak tout jou
Kote la Nati
Va souri bay Ayiti
Pou pitit Ayiti
Sispann pati
Sispann al lot bò
Pou al chache la vi miyò
Y’a plis anvi al vizite
San yo pa vle rete
Kote nou pap gen pou pase tray
Nan lakou lakay
Mwen reve yon Ayiti
Kote pigro pap manje pi piti
Yon Ayiti kote lè kandida pédi
Li pap bezwen pran la ri pou bay dan di
Nou vle pou politisyen
Sispann toupizi ayisyen
Pou yo di yo renmen Ayiti ak ké yo
Men pa ak bouch yo
Li lè li tan
Nou pédi trop tan
Nou telman kraze brize
Nou sanble moun ki pa batize
Bann san konsyans
Manyè pran konsyans
Nap manifeste ak kòl
Bay ti moun yo chans pou al lekòl
Mete interè nou dèyè nou
An nou mete Ayiti devan nou
Si nou renmen Ayiti vréman
Pandan nap rele li manman
Ann sispann fél soufri
An nou pito fél souri
Bann mechan tande konsèy
Na sispann met moun nan sekéy!

Mycardo Christophe Aka KATALOG VIL LA(Switch FM Haiti)

 

Stay SWITCH for more info…..

 

We appreciate your comments and suggestions !

 

SFMH!

 

Epi Nou Switch !

Leave a Reply

Close
Please support the site
By clicking any of these buttons you help our site to get better